Ini Transkip Lengkap Rekaman yang Sebut Ketua Hipmi Azis Tunny Peras Pedagang Mardika Ratusan Juta

A: Itu samua  bisa 200 labe kapa

P: Astagfirullah. Lalu?

A: Lalu sebenarnya itu beta su rem-rem, karena ini kan pedagang pung lapak. Kalau katong kasi keluar uang talalu banyak kan nanti harganya melonjak. in9i kan pedagang  pung seng boleh jual talalu mahal bagitu karena dong kemampuan jua pas-pasan. nanti dikira beta manfaatkan dong bagitu. karena ini bukan par abang saja, Beta jua kasi par  Pak Gubu, karena ini jua kan izin dari antua, walaupun antua ambil ka seng ka, itu terserah dari antua. Beta jua atau antua seng mungkin ambil. Beta langsung bilang beta harus kasi. Lalu kemudian beberapa waktu, antua su tagih itu. Abang Al Pak Gub punya itu su ada ka balom? Lah beta bilang kasi beta waktu sadiki, karena itu, 

P: Oh Abang Azis minta ni untuk pak Gub?

A: Iya. Dia bilang  su ada ka balom. La beta bilang, iyo sudah nanti beta upayakan. Lalu beta kasi, beta bilang, bisa 100 sa jua ka seng?. Lah ini kan kasiang, Abang bisa cek, sandiri, yang su bali-bali itu, dong cuma bayar barapa. Karena beta seng bisa paksa pedagang. karena ini beta pung warga samua. Nanti dong bilang e abang Al ini katong pung ketua,  kanapa kasi harga talalu mahal bagitu. jadi banya itu, b kasi 100 ka Abang Azis. Banya orang bilang dog krdit di bank, dong datang deng bukti-bukti kredit, dong ada saki, dong janda seng ada laki, terpaksa beta kasi harga miring bahkan ada yang 5 juta. Padahal itu kan modalnya 7 atau 8 juta. Tapi karena beta ini sebagai ketua asosiasi, beta seng pikir untung lai. Makanya beta bilang mophon maaf jua kirim salam par Pak Gub, beta pung kemampuan sekian, kalau abang seng parcaya bisa cek di, yang su bajual-bajual sakarang ini. 

P: Jadi Kaka waktu itu Kaka kasi ka abang untuk kasi ke Pak Gub itu, 100 juta, seperti yang malam abang bilang?

A: Iyo dengan harapan ii kan sakarang ada masalah di Pasar Mardika sakarang, beta waktu kasi tolong kirim salam par Pak Gub karena situasi  pasar ini ada resah karena ada surat semua pasar ini, yang kelola lewat perusahaan SBT itu ka. Makanya dong panik, makanya waktu beta kirim ka antua beta bilang harap jua abang, kalau bisa beta ketemu deng pak gub karena ini su mau ketemu pak wali  antua seng mau akomodfir.

P: GT itu sapa?

A: anggap saja pak gub  orang dekat

P: Pak Gub kedua? sapa yang bilang kaya bagitu?

A: Seng. ini pedagang-pedagang yang bilang di pasar. Lalu beta sampaikan ke abang azis kalau su kasi itu, kirim salam par pak gub bahwa katong perwakilan pedagang itu, mau ketemu deng antua supaya jang antua nama rsak di pasar, karena pasar ini kan, barometer politik, barometer ekonomi, sampe antua salah langka lewat antua orang-orang itu, karena dong ini kan gunakan preman. antua nama tercoreng. sampe beta mohon-mohon ka abang azis 

P: Lalu kaka kasi antua  uang?

A : beta kasi

P: lalu kaka kasi cash?

A: Beta kasi cash langsung yang 100 juta.