Ini Transkip Lengkap Rekaman yang Sebut Ketua Hipmi Azis Tunny Peras Pedagang Mardika Ratusan Juta

P: Setahu beta pengalaman itu, bapak atau Ibu seng tau bagitu. Beta tau Kaka jua pasti maluhati Abang Azis. Tapi ini soal kebenaran, agak sedikit kelewatan Abang Azis bawa Bapak nama. Lalu aa Abang Azis minta uang itu kan sebenarnya tidak bagus. Karena setahu beta, Ibu dan Bapak kalau tahu hal  seperti ini, dong paleng marah. Ini soal masyarakat punya isi perut, tempat makan, seng mungkin dong mau ambil-ambil  kaya begitu. Makanya Ade perlu Abang cerita yang seutuhnya.

A: Nanti Abang Azis dapa marah ka seng itu, Ade?

P: Ini namanya kesalahan  yang beliau buat dan beliau harus tanggung konsekuensi. Abang seng usah takut karena bapak atau Ibu juga pasti jaga katong pung nama. Abang harus sampaikan saja, supaya Ade jua tahu.

A: Jadi terkait dengan pembangunan lapak di terminal Mardika. Pas pembongkaran besar-besaran itu, beta seng ada tampa, karena terminal apa semua sudah dibersihkan, lalu pedagang datang sampaikan, lalu beta foto-foto akang kirim ke Pak Wali

P: Pak Wali zaman sapa? Pak Richard?

A: Iya. Beta bilang Pak tolong jua, ini pedagang pemerintah su gusur tapi dong seng ada tampa bajual. Yang ada di dalam Pasar Apung itu kan,l su orang punya di dalam, jadi dong ini seng tau mau kemana lai, lalu Pak Ris bilang, lalu Al mau dong  bangun dimana?. Beta bilang di trotoar saja. Seng ada tampa laeng lai. Lalu beta bilang kalo di trotoar itu, punyanya Pak Gub, mesti antua yang kasi izin. Lalu kebetulan beta bilang nanti beta upayakan biar ada jalan ke Pak Gub. Kebetulan beta pung tamang ini termasuk pak Gub pung orang dekat. 

P: Abang Azis?

A: Oh iyo Abang Azis sudah.  Lalu Pak Wali  itu good good. Itu bagus. Artinya kalo Pak Gub setuju itu lebih bagus, Al. Lalu setelah beta bicara deng Abang Azis, ddia bilang beta upayakan bicara deng Pak Gub, langsung setuju, itu langsung beta bang, beta kaget, 

P: o itu pas Abang Azis su bicara deng Pak Gub ini?

A: Iya, 

P: Pak Gub setuju soal pemakaian trotoar?

A: Iya, Pak Gub setuju makanya beta langsung bangun. Sebagai tanda terimakasih, beta sampai kasi antua lai. uang par Abang Azis to, Beta rasa terimakasih karena pedagang jua masih bisa apa namanya  ada punya kios dan sagala macam bagitu. A lalu beta bilang nanti kalo su jadi, su selesai Pak Gub pung ada lai.

P: Kaka kasi ka Abang itu barapa?

A: Itu beta pertama itu 80, abis itu 50, terus habis itu,  eh bertahaplah, karena kepentingan dia ada keluar-keluar ke Jakarta itu,  urus-urus HIPMI itu, dia bilang, tolong bantu tolong bantu.

P: Itu barapa samua kalau kaka hitung-hitung.